Oleh: Salma
Lagi rame iki ana kedadean, salah siji qari'ah lagi maca Al qur' an ing salah siji acara disawer duit karo pendengare. Wong- wong ora nggenah ini nylempitne duit ing krudunge qari'ah kasebut. Astaghfirullah!
Qari'ah sing lagi khusyu' maca Al Qur'an kuwi yo bingung, nesu tapi ora iso nyapo- nyapo, posisine lagi maca Al Qur'an. Dadi akhire dimarekne olehe moco cepet- cepet. Sakbare, qari'ah kasebut nesu- nesu- banjur negur panitia acara.
Astaghfirullah, ngene iki lek wong ora ngerti adab. Ora weruh piye adabe pas ngrukokake Al Qur'an. Ngetara lek kurang ilmu lan adabe. Kulinane ndelok hiburan murahan sing nyenengne ati banjur nyawer penghibure. Jian...
Patrah urip ing sistem sekuler yo ngene iki. Aturane Gusti Allah ora digawe, tapi nggawe aturane manungso dewe sing jelas- jelas mesthi kurange. Termasuk masalah kesenengan lan hiburan. Hiburan opo ae oleh asal 'kau bahagia', ora ganggu tentreme liyan tur ana keuntungan materi e. Ngono prinsipe. Contone hiburan nyanyi- nyanyi sing biasane ana joget- joget e. Trus sing nyanyi biasane wong wedok ayu- ayu tur nggawe klambi sing seksi- seksi. Pepak wis. Sing ndelok (umume wong lanang) seneng & kehibur banjur nguweki saweran kanggo penyanyine. Tambah semangat nyanyine, tambah maneh sawerane. Astaghfirullah...
Yo ngunuw iku wis. Maksiat tok. Lanang wadon campur baur, nyanyi- nyanyi, joget- joget ora karu- karuan. Wis lali syariat.
Lah masalahe, saweran iki kok yo ditrepne pas ana Qari maca Al qur'an?! Tobat- tobat...
Ngene iki nek mungguhe syariat Islam, iso dicap perbuatan sing melecehkan Al Qur'an. Iso ditindak tegas karo pemimpine umat Islam. Kudune, lek ana wong maca Qur'an kui dirongokne temenan, dihayati maknane. Lek ora ngerti Yo wis, minimal meneng wae ngrungokne. Iku adabe yen ana sing moco Al Qur'an.
Tapi mergo Indonesia Iki ora nerapne Al Qur'an, perilaku ngene iki dianggep biasa, khilaf. Mengko nek pelakune wis njaluk sepura yo wis bar masalahe. Ora ana tindakan tegas blas teka negara.
Kudune, pelecehan agama ngene iki ditindak tegas. Kareben nimbulne efek jera kanggo pelakune, tur ben gak ditiru Karo liyane. Negara kudune yo terus ndidik lan mbina rakyate masalah agamane mulai aqidahe, fiqh e, lan akhlak & adabe, termasuk adab marang Al Qur'an. Lha sing ISO njalane Islam sing koyo ngene iki Yo pemerintahan Islam, sing nerapne syariat Islam kanggo ngatur kehidupan masyarakat lan negarane. Muga- muga besuk bakal ana pemerintahan Islam sing koyo ngene iki. Insyaallah, uripe umat Islam bakal bahagia, tata tentrem kerto raharjo krana ridhone Allah taala. Aamiin.